Það að verða foreldri breytir miklu varðandi hjólreiðar en þær verða langt frá því ómögulegar. Fljótlega eftir að það varð ljóst að ég yrði foreldri fór ég að spá í það hvernig maður hjólar með barn. Og áður en ég vissi af var ég búinn að græja mig upp, meira að segja nokkru fyrir komu eldri dóttur minnar. Upplýsingar og leiðbeinandi efni um hjólavagna og barnastóla var hvergi að fá. Í Forvarnarhúsi sem þá var nýtilkomið voru einu svörin að ekki væri ráðlegt að hjóla með barn í hjólavagni né barnastól fyrr en barnið væri um tveggja ára gamalt, með þeim rökum að ekki eru til hjálmar fyrir yngri börn.

Hvað er Fjallahjólaklúbburinn? Er hann bara fyrir fólk með fjallahjól sem hjólar á fjöll? Nei, hreint ekki en samt líka, því hann er fyrir alla sem hjóla eða vilja „auka reiðhjólanotkun og vinna að bættri aðstöðu fyrir þá sem hjóla“ eins og segir í lögum félagsins auk þess að „ÍFHK stendur meðal annars fyrir útgáfu- og fræðslustarfsemi til að kynna stefnu sína og markmið.“

Kæru félagar. Félagsskírteini endurnýjuð í lok mars og til að einfalda ferlið og minnka kostnað ætlum við að biðja ykkur um að leggja árgjaldið beint inn á reikninginn okkar. 2.500 krónur fyrir einstakling og 3.500 fyrir fjölskylduáskrift. Reikningurinn okkar er númer 0515-26-600691 og kennitalan 600691-1399.

Fimmtudaginn 15 febrúar verður kynning á ferðum sumarsins í klúbbhúsinu að Brekkustíg 2. Húsið opnar kl 20:00 og kynningin hefst kl 20:15. Heitt á könnunni og viðgerðaaðstaðan opin á neðri hæðinni.

Allir velkomnir á meðan húsrúm leyfir. 

Viltu skrifa í fréttablað Fjallahjólaklúbbsins, Hjólhestinn? Það er laust pláss fyrir ýmisskonar pistla, ferðasögur, reynslusögur úr starfi klúbbsins eða prívat og bara allskonar. Við látum samt aðra um að fjalla um keppnissportið.

Átt þú skemmtilegar hjólamyndir úr ferðum eða hjólatúrum sem þig langar að sýna öðrum og segja frá? Hefur þú gaman af að skoða skemmtilegar hjólamyndir?

Fimmtudaginn 8. febrúar bjóðum við upp á “opinn skjá” þar sem þeir sem vilja geta boðið upp á stutta myndasýningu frá skemmtilegum hjóladögum. Við ætluðum að hafa þetta 1. febrúar en frestum myndasýningunni um viku vegna veðurviðvörunar á höfuðborgarsvæðinu 1. feb.

Í vetur verður opið fyrsta og þriðja fimmtudag í mánuði.  Frá 20:00 til 22:00  Það verður opið hús hjá okkur 16 nóvember og 7 desember.  Þá munum við halda aðventuhátíð.  Nánari upplýsingar um hana verða sendar út síðar.  Frá 8 desember verður lokað fram yfir áramót.  4 janúar fögnum við nýju ári i gamla góða Klúbbhúsinu okkar.

Hjólaðar eru dagleiðir í nágrenni Víkur. Við munum skoða Þakgil, Litlu Heiði og fleiri markverða staði á Suðurlandi. Dagleiðirnar eru stuttar, 30-40 km, að mestu á möl og það er töluvert um brekkur fyrri daginn.

Skráning er hafin í Hvítasunnuferðina þar sem hjólaður verður góður hringur um Suðurland og yfir á Reykjanes. Hjólað verður með allan farangur og gist í tjaldi.

Lagt af stað laugardaginn 13 maí kl 11:00 frá Olís Bensínstöðinni við Norðlingaholt.  Hjólað eftir Suðurlandsvegi, beygt inn á veg nr. 431, Hafravatnsveg.  Þaðan farin Nesjavallaleið upp með Henglinum, niður að Þingvallavatni og áfram til Úlfljótsvatns, þar sem gist verður í góðum bústað með heitum potti.  Leiðin er 50 km, að mestu á malbiki.  Allar tegundir af reiðhjólum henta, nema racer.  Sjónvarp á staðnum og þeir sem vilja geta fylgst með Eurovison.