- Details
- Hrönn Harðardóttir
Alla þriðjudaga í sumar leggjum við af stað frá Sævarhöfða 31. Á sama tíma leggja Reiðhjólabændur af stað, en við förum aðeins hægar yfir en þeir. Öll velkomin að taka þátt, börn yngri en 14 ára skulu þó vera í fylgd með foreldrum eða forráðamönnum.
- Details
- Vefstjóri
Við ætlum að kveðja Klúbbhúsið á táknrænan hátt með því að hjóla frá Brekkustíg 2 yfir að Sævarhöfða 31 og taka þar hefðbundið vöfflukaffi í nýju aðstöðunni okkar. Við reiknum með að leggja af stað kl. 14:00 25 apríl 2024.
Vinsamlega merkið við mætingu hér á Facebook viðburðinum, svo við getum áætlað magn af vöfflum og hversu mikið á að hella upp á.
- Details
- Ferðanefnd
Eurovision teitið verður í sumarbústað nálægt Bifröst, Borgarfirði. Við munum grilla eitthvað gott, horfa á söngvakeppnina, ræða landsins gagn og nauðsynjar, dýfa okkur ofan í heitan pott, það verður gleði og glaumur. Gítarar og harmonikkur velkomnar.
- Details
- Stjórn Fjallahjólaklúbbsins
Það er alltaf eitthvað í gangi hjá okkur. Verkstæðið og klúbbaðstaðan á Sævarhöfða 31 er opin vikulega á mánudögum. Á þriðjudögum hjólum við um höfuðborgarsvæðið. Mánaðarlega er amk. ein skipulögð helgarferð og aldrei að vita nema fleira verði skipulagt með stuttum fyrirvara svo við mælum með að þið skráið ykkur á póstlistann og lækið við Facebook síðuna okkar til að fylgjast með. Hér er aðeins það helsta talið upp.
- Details
- Stjórn Fjallahjólaklúbbsins
Fjallahjólaklúbburinn og Reiðhjólabændur eru að hefja samstarf um samnýtingu á húsnæðinu að Sævarhöfða 31 um það leiti sem þessi Hjólhestur kemur út. Staðsetningin þykir heppilegri enda við miðpunkt höfuðborgarsvæðisins og kostnaður við leigu á Brekkustíg hafði aukist verulega. Þetta var ákveðið eftir kynningarfund með félagsmönnum í framhaldi af umræðum á síðasta aðalfundi.
- Details
- Vefstjóri
Þá er komið að hinu árlega pökkunarkvöldi. Við munum hittast kl 19:00 fimmtudaginn 14. mars og byrja á því að fá okkur pizzu og gos. Svo pökkum við Hjólhestinum niður ásamt skírteinum þeirra sem eru búin að greiða félagsgjöldin. Margar hendur vinna létt verk. Pizzurnar eru í boði Fjallahjólaklúbbsins. Gott ef fólk merkir mætingu við þennan viðburð, svo við getum áætlað magn af pizzum.
- Details
- Vefstjóri
Kæra hjólafólk ! Fimmtudaginn 22. febrúar kl . 20 verður haldinn kynningarfundur í aðstöðu Reiðhjólabænda við Sævarhöfða 31. Þar er ætlunin að sýna meðlimum Fjallahjólaklúbbsins aðstöðuna.
- Details
- Birgir Birgisson
Samstarfshugvekja til hjólreiðafólks
Í langan tíma hefur ótrúlega mikið og gott starf verið unnið við skipulagningu og framkvæmd ýmissa viðburða á vegum Fjallahjólaklúbbsins. Margir hafa rétt klúbbnum hjálparhönd við ýmis tækifæri en mikið af innra starfi félagsins hefur þó hvíld á fáum herðum, stundum kannski of fáum. En sú staðreynd að það reynist sífellt erfiðara að fá fólk almennt til að taka virkan þátt í félagsstarfi er alls ekki bundin við Fjallahjólaklúbbinn.
Margt fólk sem skipuleggur alls kyns félagsstarf á ýmsum sviðum, hvort sem það eru fundir, námskeið eða annað, hefur að undanförnu rætt það sín á milli hversu mikla vinnu þarf að inna af hendi til að fá félagsfólk almennt upp úr sófanum og af stað til að njóta allra þeirra fjölmörgu viðburða sem í boði eru.
Fleiri greinar...
Síða 1 af 63