Fjallahjólaklúbburinn

Það hefur verð talað um það um nokkurt skeið að gaman væri að félögin og klúbbar myndu hjóla saman fyrsta sunnudag hvers mánaðar. Næstkomandi sunnudag 7. mars förum við fyrstu ferð.

Sjá nánar:

Nýr og endurbættur vefur Landssamtaka Hjólreiðamanna er kominn í loftið. Hafsjór af fréttum, fróðleik, greinum og skemmtilegheitum. www.lhm.is  kíktu á hann.

20 ½ árs saga ÍFHK rifjuð upp #6

Hjólhesturinn 3. árg. 3. tbl. kom út í okt. 1994. Meðal efnis var nefna seinni hluti greinarinnar Undirbúningur fyrir ferðalög á reiðhjóli sem var skyldulesning lengi á eftir. "Hjólreiðar eru ekki karlasport" er líka fróðleg grein og fjallað var um vetrarhjólreiðar og fl.

Sérstaka athygli vekur leiðari blaðsins þar sem spurt er "Hvað verður um fögur fyrirheit". Þó þetta hafi verið skrifað fyrir 15 árum gætu stórir hlutar greinarinnar hafa verið skrifaðir gær. Þessi skrif þóttu afar öfgafull á þeim tíma en endurspegla viðhorf sem æ oftar heyrast í dag.

Stórir hlutir eru að gerast hjá Reykjavíkurborg og er mikils að vænta á næstu árum í bættri aðstöðu fyrir hjólreiðafólk, enda löngu tímabært.

Fimmföldun á hjólaleiðum í Reykjavík á næstu fimm árum, tíföldun á næstu tíu árum, hraðbraut fyrir hjól milli Laugardals og miðborgar og brú yfir Elliðaárósa – eingöngu fyrir gangandi og hjólandi. Þetta er meðal þess sem fram kemur í fyrstu hjólreiðaáætlun Reykjavíkurborgar sem samþykkt var nýlega í umhverfis- og samgönguráði.

Þrír frægustu fjallahjólarar heimsins segja single track leiðir þær sem Magne Kvam fór með þá að Fjallabaki 2009 vera með þrem bestu og flottustu hjólaleiðum heims og hafa þeir hjólað út um allan heim! Merkilegt. Bike Magazine titlar ferðina ferð ársins, “trip of the year 2009”, og myndina af Bláhnjúk mynd ársins, “picture of the year 2009”, í Bike Magazine tímaritinu. Það kemur kannski einhverjum á óvart að landið okkar bjóði upp á fjallahjólaleiðir á heimsvísu - en það vita þeir sem reynt hafa.

Er ekki haustið tíminn til að skríða upp í sófa með kakó, teppi og góða bók?  Vissulega en það er líka góður tími til að pakka niður nesti og regngallanum og fara út að hjóla.  Haustlitirnir eru ægifagrir um þessar mundir og náttúran skartar sínu fegursta.  Ég valdi því óvissuhaustferð Fjallahjólaklúbbsins fram yfir sófalegu helgina 12.-13. september.  Ég vissi að hjóla ætti u.þ.b. 40 kílómetra í svefnstað og til baka, að gista ætti á svefnlofti og að svefnpokanum og farangrinum yrði ekið í skála. Það eina sem ég þurfti að taka með var nesti fyrir daginn, hlý föt, regnföt, pumpu og bætur auk viðgerðasetts.

Eftirfarandi er úrdráttur og samantekt úr athugasemdum Landssamtaka hjólreiðamanna, LHM, við drög að nýjum umferðarlögum. Andstöðu við skyldunotkun hjálma má ekki túlka sem andstöðu við notkun hjálma. LHM er alls ekki á móti notkun hlífðarhjálma, flest notum við þá, a.m.k. við vissar aðstæður. Við erum heldur ekki á móti fræðslu um hjálma. Við viljum að fólki sé frjálst að hjóla með hvern þann hlífðarbúnað sem það kýs.

Þegar bent er á hjólreiðar sem lausn í samgöngumálum koma margir með mótbárur á þá leið að ekki sé raunhæft að „allir hjóli“.  Ef hins vegar er horft til hreyfingarleysis Íslendinga og lausna í samgöngumálum má spyrja hvort þessu sé ekki einmitt öfugt farið, að ekki sé raunhæft að "allir" séu á bíl.  Yfirvöld gera samt ráð fyrir því. En lausnin er í raun aldrei einn og einfaldur, heldur samansafn af leiðum. Þetta snýst allt um áherslur.
Sérstaða hjólreiða til samgangna er að þær eru jákvæðar á svo marga vegu og leysa mörg af vandamálum samtímans.  Margt bendir einnig til þess að hjólreiðar hefðu verið miklu vinsælli til samgangna ef áherslurnar hefðu verið aðrar eins og t.d. í Danmörku og Hollandi.

Það er afar mikilvægt að vera alltaf sýnilegur í umferðinni. Bæði þarf hjólreiðafólk að staðsetja sig á götunni eftir aðstæðum og nú þegar dagarnir styttast þarf sérstaklega að gæta að ljósabúnaðinum á hjólunum. Það þarf alvöru ljós, ljós sem gera hjólið sýnilegt og áberandi í umferðinni og duga þá ekki dauf skrautljós. Meðfylgjandi er ályktun Umferðarráðs:

Það var um verslunarmannahelgina 2008 sem undirrituð ásamt eiginmanni, 14 ára syni og fjögurra manna vinafjölskyldu okkar, fórum í ferðalag um Vestfirði og ákváðum að taka hjólin okkar með. Við höfðum hjólað talsvert mikið saman þetta sumar en nú var komið að því að nema ný hjólalönd og finna skemmtilega spotta á Vestfjörðum til að hjóla. Segir þó  fátt af hjólreiðum okkar fyrr en við komum í Dýrafjörð og komið var að annarri eða þriðju gistinótt í ferðinni en þá ákváðum við að tjalda í botni fjarðarins við Botnsá.