Helgina 12.-13. júní verður farið í helgarferð á Snæfellsnes.  Hver og einn velur gistingu, en flestir verða á tjaldsvæðinu.  Einhverjir mæta á föstudagskvöldi, aðrir beint í hjólaferðina á laugardegi.

Á laugardag hjólum við um Berserkjahraun. Lagt af stað frá Stykkishólmi kl 10:00 Leiðin er að mestu á malarvegi og hægt að velja um 40 eða 60 km hjóladag. Í lok dags förum við í sund á Stykkishólmi. Síðan verður kvöldvaka á tjaldsvæðinu, en þar verður gist í tjöldum. Gítarar velkomnir.

Á sunnudaginn tökum við pjönkur okkar saman og keyrum í átt til Borgarness. En áður en við snæðum þar hamborgara samkvæmt hefð, þá ætlum við að hjóla upp að Hítarvatni.  Leiðin er á malarvegi og dagleiðin á sunnudag er um 45 km.

Erfiðleikastig 5 af 10. Fólk þarf að vera vant hjólreiðum og hafa hjólað í 1-2 klukkustundir samfleytt án vandkvæða.

Þátttaka tilkynnist til Hrannar með email. This email address is being protected from spambots. You need JavaScript enabled to view it.. Vinsamlega tilgreinið fjölda þátttakenda, hvort ykkur vanti far eða getið boðið far. Athugið að rafmagnsreiðhjól eru þung og henta mörg hver ekki á venjulega grind.  Ef einhver getur mætt með venjulega kerru, þá gæti hún leyst þau mál.  Miðað er við að fólk borgi kr 5.000 fyrir far með sig og hjólið. Við munum fara út að borða um kvöldið. Að öðru leiti kostar ferðin ekkert, það þarf bara að taka með góða skapið og særa fram sól.

Íslenski fjallahjólaklúbburinn,
Brekkustíg 2,
101 Reykjavík. 

 

Netfang: ifhk@fjallahjolaklubburinn.is
Kt. 600691-1399
Banki: 515-26-600691