Kl. 15:00 á Menningarnótt í Reykjavík munu glaðir hjólakappar hittast á miðju Miklatúni og rúlla þaðan saman á reiðhjólum sínum um bæinn. Allir eru velkomnir, endilega bjóðið ykkar fésbókarvinum líka með!
Það verður gríðarleg stemning í hópnum. Tónaflóð mun fylgja okkur á leiðinni (eldhress hjólalög) og við hvetjum fólk til að hjóla með bökin ber og skrifa á þau skemmtileg hjólaslagorð. Svo er um að gera að mæta í búningum eða skrautlegum fötum.
Mætum endilega á fjölskrúðugum farartækjum (þeir sem eiga), t.d. liggihjóli, tvímenningshjóli, körfuhjóli, hjóli með aftanívagn, með tengihjól o.s.frv.
Leiðin sem við hjólum verður nokkurnvegin svona:
Miklatún - Flókagata - Langahlíð - Miklabraut - Snorrabraut - Bergþórugata - Barónsstígur - Eiríksgata - Njarðargata - Sóleyjargata - Skothúsvegur - Tjarnargata - Vonarstræti - Fríkirkjuvegur - Skothúsvegur - Suðurgata - Sturlugata - Sæmundargata - Hringbraut - Sóleyjargata - Hljómskálagarðurinn.
Við hjólum á götunum, förum að öllu með gát og erum á eigin ábyrgð.
Ýmsar tilögur hafa komið fram um slagorð sem væru góð á bökin, en undirbúningshópurinn mælist til þess að þau verði á jákvæðum nótum og undirstriki hjólreiðar sem góðan samgöngumáta. Hér eru listi með tillögum sem hafa komið fram. Svo er bara að kynda undir skáldagáfunni og slá þessum við.
# Ég flýg :-)
# Frjáls eins og fuglinn
# 9 million bicycles in Beijing
# Hið fullkomna innanbæjarökutæki !
# Mér datt þessu í hug á hjólinu ( Albert Einstein)
# Orkunýtni eins og hann gerist best !
# um 0,08 lítrar á hundrað km
# Sparibaukur samfélagins ( 60 milljónir )
# Bætum ár við lífinu með hjólreiðum
# Ég brenni fitu, ekki olíu
# Framtíðin er græn
# Grænna er hreinna
# Aðeins minn eigin útblástur
# Stæltur rass - minna hlass (Less gas, more ass)
# Minni olía = meira líf
# Líkamslykt er betri en CO2
# Sérðu mig núna?
# Varúð: Mannknúið farartæki framundan
# Hreint loft fyrir börnin
# Ég er lífrænt ræktuð
# Frískur fljótur og heitur
# Í fullum rétti
# Hjólum til heilla!
# 30% meiri lífslíkur
# Ævi-sparnaður
# Engin bílalán
# Brauð og te
# Öruggur staður til að vera á
# Viltu koma á samstarf í umferðinni ?
# Sviti er betra en CO2
# Mengum frekar með egin rassi,
# Njótum útiveru betur
# Frelsi fyrir alla,
# Frjáls sem fuglinn,
# Visthæfur útblástur
# Hjólhestur er bestur.
# Ég greiði líka gatnagerðagjöld.
# Viltu vera með mér.... örugg í umferðinni.
# Verum saman..... á götunum.
Þeir sem vilja geta mætt snemma og fengið aðstoð við að skrifa skilaboð á bakið sitt.