ATH: Dagskrá 2010 er enn í vinnslu en þangað til er hér yfirlit yfir dagskrána 2009:
Ferðanefnd ÍFHK stendur fyrir ferð á Nesjavelli 16. - 17. maí. Boðið
verður upp á trúss og hver kemur með sitt nesti á grillið. Þátttakendur
sjá sjálfir um að panta sína gistingu en það er búið að taka frá 20
svefnpláss fyrir hópinn og hótelið býður gistingu í uppábúnu rúmi í 2ja
manna herbergi með morgunmat á 4.000 kr. á manninn.
Þá er stefnt á ferð í kringum Skorradalsvatn um Jónsmessuhelgina. Lagt
verður af stað út úr bænum föst. 19. júní og hjólað kringum vatnið á
laugardeginum. Heimferð á sunnudeginum.
Stóra sumarleyfisferð ÍFHK hefst laugardaginn 4. júlí. Þá verður ekið
út bænum og stefnt í Hólaskjól. Síðan verður hjólað um Fjallabak syðri
og endað í Þórsmörk 10. - 12. júlí. Trússað og gist í skálum. Darri
hefur hjólað þetta svæði fram og til baka og ætlar að fara fyrir
ferðinni. Hann mun sjá um
allar skráningar í ferðina. Hámark er sett við 16 þátttakendur í
skálagistingar og trúss. Sjá nánar hér .
Að lokum verður farið í óvissuferð fyrstu
helgina í september.
Þriðjudagskvöldferðir
Alla þriðjudaga frá maí og út ágúst verða farnar léttar fjölskylduferðir kl 19:00 frá Fjölskyldu og húsdýragarðinum í Laugardal. Ein undantekning er þó þann 30 júní, en þá verður farið með Viðeyjarferjunni út í Viðey kl 19:00 á slaginu. Þetta eru mjög léttar ferðir og henta þeim sem eru að byrja að hjóla aftur eftir langt hlé eða bara til að taka einn hjóltúr þegar veðrið er of gott. Mjög fjölskylduvænar ferðir.
Fjölskylduferðir
Í sumar munum við einnig bjóða enn vænni fjölskylduferðir en áður hafa verið reyndar. Þá verður lagt af stað úr Laugardalnum á sunnudögum kl. 11 og hjólað um bæinn fram eftir degi með nesti og nýja skó. Þessar ferðir verða auglýstar sérstaklega með rafpósti á póstlistanum okkar og hér á heimasíðu klúbbsins.
Ferðir annarra félaga
Hjólarækt Útivistar stendur fyrir hjólaferðum annan laugardag í hverjum mánuði. Þá er farið frá stóru brúnu húsunum í Elliðaárdal kl 10:00 og farin leið sem ákveðin er af hópnum. Nánar: www.utivist.is
Hjólreiðafélag Reykjavíkur er með æfingar alla sunnudagsmorgna sem hefjast við Nauthól í Nauthólsvík kl 09:30 og fimmtudaga kl 18:15. Allar æfingar byrja á sömu leið, það er að segja frá Nauthól að brúnni yfir Kringlumýrarbraut, inn í Fossvogsdal, upp Elliðaárdal og áð þegar komið er yfir litlu brúna fyrir ofan stíflu. Síðan er ákveðið hvert skal halda. Nánar: www.hfr.is
Hjólamenn eru með æfingar á miðvikudögum kl 18:30 og sunnudaga kl 09:30. Þeirra æfingar hefjast við Sprengisand (veitingastaðinn Pizza Hut við Reykjanesbraut). Nánar: www.hjolamenn.is
Vikulegir hjóltúrar eru á vegum hjolakonur.net eru frá
Víkingsheimilinu kl 09:30 á sunnudagsmorgnum út apríl. Miðað er við að
vera 2 tíma á ferðinni og eru ákvarðanir teknar af hópnum sem mætir
hverju sinni. Frá maí skiptum við yfir á racera, hraðinn aukinn og
æfingatíminn breytist. Allar nánari upplýsingar gefur Guðný í síma 564
5964
Eitthvað fyrir alla
Þriðjudagshjóltúrar og fjölskylduferðir ÍFHK eru rólegir og
fjölskylduvænir hjóltúrar með meðalhraða um 10-15km klst. Margar og
fjölbreyttar hjólaferðir í boði svo allir ættu að finna hjólahóp við
sitt hæfi. Hjólaferðirnar eru fríar og öllum opnar. Komdu með í
einhverra þessara ferða.
Æfingar Hjólreiðafélags Reykjavíkur og Hjólamanna eru fyrir vana
hjólreiðamenn sem vilja taka vel á því og koma sér í verulega gott
form. Meðalhraði í þeirra ferðum er 20-30 km. klst.
Vikulegir sunnudagshjóltúrar Hjólakvenna og hjóltúrar Útivistar eru ekki eins hraðir eða með meðalhraða um 15-20 km klst.
ATH: þátttakendur eru á eigin ábyrgð í þessum ferðum.
|
