Þó lítið hafi sést til sérhannaðra reiðhjóla fyrir fatlaða hérlendis ennþá, er nú búið að laga nokkrar leiðir í Reykjavíkurborg það mikið að það ætti að vera orðið raunhæft að taka svona hjól í notkun hér.
|
|
Það eru ekki allir sem geta notið útivistar með eigin afli og notið þess að finna vindinn leika um sig meðan geyst er um skemmtilegar útsýnisleiðir. Nokkur sérsmíðuð hjól eru þó til hérlendis, t.d. er einn góður Hvergerðingur sem þeysist um allt Suðurland á sínu handknúna þríhjóli. Sérhönnuð hjól eru ýmiskonar, hér eru myndir af Rollfiets hjólinu sem er í raun sterkbyggður hjólastóll sem nota má einan og sér eins og aðra hjólastóla en líka tengja aftan á hann reiðhjól sem aðstoðarmaður drífur áfram. Þannig getur fjölskyldan skroppið í hjólaferð með lítilli fyrirhöfn og fatlaðir fá aukin tækifæri til að komast um umhverfi sitt og taka þátt í daglegu lífi fjölskyldunnar utan heimilisis. |
|
|
|
|
|
|
|
|
|
|
|
|
Margir sem bundnir eru við hjólastól eru þó það hraustir að þeir geta nýtt sér handknúin þríhjól. Einnig eru margir sem eiga erfitt um gang sem gætu nýtt sér þríhjól þar sem ekki þarf að halda jafnvægi og hægt er að fara eins rólega yfir eins og hverjum hentar.
|
|
|
|
||
|
|
||
|
|
Það skemmtilega við öll þessi hjól er að þau eru fjöldaframleidd og hægt að kaupa tilbúin eða aðlöguð að þörfum hvers og eins. Hér fyrir neðan eru tengingar á heimasíður nokkurra framleiðenda svona hjóla en þetta er alls ekki tæmandi listi. Klúbburinn á einnig frekari upplýsingar um þessi mál í bókasafninu okkar en það verður að viðurkennast að leiguhúsnæðið okkar býður ekki upp á aðgengi fyrir hjólastóla.
Gaman væri að fá reynslusögur þeirra sem reynslu hafa af svona óvenjulegum hjólum.
Á vef International Human Powered Vehicle Association er að finna mikið af upplýsingingum um alskyns hjól og mikið af tengingum á aðra tengda vefi. Sérstök áhersla er á "recumbent" hjól eins og þau hjól eru kölluð þar sem hjólreiðamaðurinn situr eins og í hægindastól (vantar gott íslenskt orð). Skoðið líka vef The National Bicycle Greenway.
©Páll Guðjónsson
Hjólhesturinn 1. tlb. 7. árg mars 1998
