|
Íslenskar fréttaveitur |
|
mbl.is - Erlendar fréttir
|
Erlendar fréttir á mbl.is.
|
|
-
Tæplega 100 létust í dag
Skotið var úr sprengjuvörpu í bænum Homs í Sýrlandi í kvöld með þeim afleiðingum að 47 óbreyttir borgarar létu lífið. Mannréttindasamtök sárbæna Arababandalagið um að stöðva þessa slátrun eins og þau orða það.
-
184 létust í skjálftanum í fyrra
Nú hefur verið staðfest að 184 létu lífið í jarðskjálftunum í borginni Christchurch á Nýja-Sjálandi í febrúar síðastliðnum. Skjálftinn var 6,3 stig.
-
Anonymous lætur til sín taka
Tölvuhakkarahópurinn Anonymous, birti í dag símtal á milli FBI og Scotland Yard. Efni símtalsins var: Hvernig á að fást við tölvuhakkara. Málið þykir hið vandræðalegasta fyrir löggæsluna, en FBI staðfesti í dag að símtalið hefði átt sér stað, en það var birt á YouTube.
-
Börn pyntuð á skelfilegan hátt
Rússar höfnuðu í dag tillögu Öryggisráðs Sameinuðu þjóðanna um að binda enda á blóðbaðið í Sýrlandi. Hermenn og öryggissveitir pynta börn í Sýrlandi í þeim tilgangi að brjóta niður baráttuvilja fólks.
-
Myndir af herbergi Breivik
Norska lögreglan hefur gert opinberar myndir sem tengjast fjöldamorðingjanum Anders Behring Breivik. Meðal þeirra er mynd af herberginu þar sem hann bjó í íbúð móður sinnar þangað til í maí í fyrra.
-
Spillingu mótmælt í Slóvakíu
Þúsundir tóku þátt í mótmælum í Slóvakíu í dag, þar sem spillingu og nánum tengslum fjármálamanna við stjórnmálamenn var mótmælt, en upplýsingar um það láku út á leyniskjali rétt undir jól.
-
Áfram er mótmælt í Kaíró
Tveir mótmælendur létust í Kaíró í Egyptalandi í dag, en mótmæli og átök við lögreglu hafa staðið þar yfir síðan í gær. Mikil ólga hefur verið í landinu síðan á miðvikudaginn, en þá brutust út óeirðir á knattspyrnuvelli með þeim afleiðingum að 74 létust.
-
Sýrlenskar konur mótmæla líka
Sýrlenskar konur hafa brotið þarlendar hefðir í mótmælunum undanfarna daga og tekið þátt í þeim af fullum krafti. Þetta á einkum við um konur í bænum Zabadani. Konum hefur að öllum jöfnu ekki verið heimilt að taka þátt í slíkum aðgerðum.
-
Meira en 200 látnir vegna kulda
Meira en 220 hafa látist undanfarna viku vegna kuldanna sem nú eru í Evrópu. Spáð er áframhaldandi frosthörkum um helgina. Sumstaðar hefur fólk fundist látið á götum úti og þúsundir eru innlyksa í fjallaþorpum í Serbíu og hafa þeir þurft á aðstoð björgunarsveita að halda.
-
Útiloka ekki árásir á Íran
Þjóðir heims verða að sameinast um hörð refsiviðurlög til að þrýsta á Írana um að hætta við kjarnorkuvopnaáætlun sína, segir Leon Panetta, varnarmálaráðherra Bandaríkjanna, og útilokar ekki hernaðarlega íhlutun.
-
Air France boðar verkfall
Stéttarfélög starfsmanna franska flugfélagsins Air France hafa samþykkt verkfall dagana 6.-9. febrúar. Um er að ræða flugmenn, flugþjónustufólk og hlaðmenn. Með verkfallinu er verið að mótmæla lagafrumvarpi.
-
Sturtuðu mold á götur Parísar
Hópur franskra bænda sturtaði mörgum tonnum af jarðvegi og heyi á götur og stræti Parísarborgar í dag. Tilgangurinn var að mótmæla því sem þeir segja óhóflegt regluverk ESB sem hafi slæm áhrif á landbúnað.
-
Romney mismælti sig
Mitt Romney, frambjóðandi í forkosningum Repúblikanaflokksins til forsetakosninga, sagðist í dag hafa mismælt sig þegar hann sagði nýverið að engin ástæða væri til að hafa áhyggjur af fátækum Bandaríkjamönnum. Búist er við að hann fari með sigur af hólmi í forkosningunum í Nevada um helgina.
-
Fleiri falla í Kaíró
Átökin í Egyptalandi í kjölfar óeirða á fótboltavelli á miðvikudag hafa nú kostað tvo menn til lífið. Læknar segja þá hafa látist eftir að hafa andað að sér táragasi.
-
Rússar styðja ekki Sýrlands-ályktun
Rússar segjast ekki geta stutt nýtt uppkast að ályktunartillögu um Sýrland, sem fjallað er nú um í öryggisráði Sameinuðu þjóðanna.
|
|
